துரோணரும் துருபதனும்

பரத்வாஜ மகரிஷியின் புதல்வரான துரோணர் அக்னிவேச்யர் என்பவரின் ஆசிரமத்தில் வளர்ந்தார். அவரோடு ப்ருஷதன் என்ற மன்னரின் மகனாகிய துருபதனும் நட்பு பூண்டார். ஆசிரமத்தில் கல்வி கற்ற இருவரின் நட்பும் ஆழமாக இருந்தது. தான் ஆட்சி அமைத்தவுடன் தன் நாட்டில் பாதியை துரோணருக்குத் தருவதாக துருபதன் பலமுறை கூறி வந்தான். துருபதனின் நாடு பாஞ்சால தேசம் ஆகும். காலம் சென்ற பிறகு துருபதன் பாஞ்சால தேசத்தின் அரசன் ஆனான். Read More

ஹஸ்தினாபுர அரசவைப் பெண்களின் புறப்பாடும், ஆச்சார்யர்களும்

பாண்டவர்களுக்கும், கௌரவர்களுக்கும் உரிய வயதில் உபநயனம் செய்விக்கப்பட்டு, வேதக் கல்வி வழங்கப் படலாயிற்று. இப்படியிருக்க ஓர் நாள் விதிவசமாக பாண்டுவின் மனதில் மாத்ரியின் மேல் ஆசை உண்டாயிற்று. அதன் படி பாண்டு மாத்ரியோடு கூட ரிஷி சாபப் படி உடனே மரணமடைந்தார். இதனால் பெரிதும் மனமுடைந்த மாத்ரி, அவள் பெற்ற நகுலன், சகாதேவன் இருவரையும் குந்தியிடம் ஒப்படைத்து விட்டு ரிஷியின் வாக்குப் படியே பாண்டுவைத் தொடர்ந்து மேலுலகம் சென்றாள். Read More

பாண்டவர்கள், கௌரவர்களின் பிறப்பு

பாண்டு வன வாழ்க்கையைத் தேர்ந்தெடுத்த பின்னர் இராஜ்ஜியம் திருதிராஷ்டிரனிடம் ஒப்படைக்கப்பட்டது. பாண்டு வனவாசம் சென்றதை அறிந்த திருதிராஷ்டிரன் இளையவனின் மீது இருந்த பாசத்தால் மனவருத்தம் கொண்டான். வனத்தில் பாண்டு மற்றும் குந்தி, மாத்ரி ஆகிய மூவரும் ரிஷிகள் உடன் காலம் கழிக்கத்துவங்கினர். தவம் பல மேற்கொண்ட பாண்டு தனக்குப் புத்திரர்கள் இல்லாததால் மேலுலகம் கிட்டாது என்பதை அறிந்து வருந்தினான். பின்னர் குந்தி தேவியிடம் க்ஷத்திரியர்கள் இராஜ்ஜிய நலனைக் கருத்தில் கொண்டு சந்ததி உற்பத்திக்காக கணவர் தவிர்த்து வேற ஆண்களோடு காமம் கருதாது கூடுவது தர்மத்திற்கு விரோதம் இல்லை என்று பாண்டு எடுத்துரைத்தான். Read More

இளவரசர்களின் திருமணமும் பாண்டுவிற்குக் கிட்டிய சாபமும்

காந்தாரி

திருதிராஷ்டிரனுக்கும் காந்தார தேசத்து இளவரசி காந்தாரிக்கும் பீஷ்மரால் திருமணம் நடத்தி வைக்கப்பட்டது. திருதிராஷ்டிரன் பார்வையற்றவன் என்பதை அறிந்த காந்தாரி தானும் தன் கண்ணை துணியால் மூடிக் கொண்டாள். உலகைப் பார்க்க வேண்டும் என்ற எண்ணத்தைத் தியாகம் செய்தமையால் காந்தாரியின் கண்கள் நிரந்தரமாகப் பார்வையை இழந்திற்று. Read More

ஹஸ்தினாபுர வாரிசுகள்

நிபந்தனையின் படி ஸ்ரீவேத வியாசர் தன் உடலில் மீன் நாற்றத்துடனும், இரத்தச் சிவப்பான கண்களுடனும் ஹஸ்தினாபுரம் வந்து அம்பிகையுடன் கூட வந்தார். அம்பிகை அவருடைய குரூரமான சரீரம் கண்டு அருவருப்பில் கண்களை மூடிக் கொண்டாள். வியாசரும் அவளுடன் கூடினார். பின்னர் சத்தியவதி வியாசரிடம் ஹஸ்தினாபுர இராஜ்ஜியத்தின் பெருமையை நிலைநாட்டும் பொருட்டு வீரமிக்க அரசன் பிறப்பானா என்று கேட்டாள். அதற்கு வியாசர், “அம்பிகைக்கு பத்தாயிரம் யானைகள் பலம் கொண்ட புத்திரன் ஒருவன் பிறப்பான், சாஸ்திரங்களையும் கலைகளையும் அவன் நன்கு அறிந்தவனாவான், அவனுக்கு நூறு புத்திரர்கள் பிறப்பார்கள். எனினும் அம்பிகை விருப்பமில்லாது கண்களை மூடிக் கொண்டாள் ஆக அவனுக்குப் பார்வை இராது”, என்று கூறினார். Read More

அரசனற்ற ஹஸ்தினாபுரமும் வியாசரின் நிபந்தனையும்

விசித்திரவீர்யனுக்கும், அம்பிகை அம்பாலிகை ஆகியோருக்கும் திருமணம் நடந்தேரியது. ஆயினும் புத்திர பாக்கியம் ஏதுமின்றி விசித்திரவீர்யன் சில காலத்திலேயே இறந்து போனான். ஹஸ்தினாபுர இராஜ்ஜியம் அரசினின்றி இருப்பதைக் கண்ட சத்தியவதியும் பிதாமகர் பீஷ்மரும் கவலையுற்றனர். இராஜ்ஜியத்தின் நலன் கருதி பீஷ்மரிடம் சத்தியவதி அம்பிகை, அம்பாலிகை ஆகிய இருவருக்கும் புத்திர தானம் செய்யுமாரும் ஹஸ்தினாபுரத்தின் அரசனாய் முடிச்சூடுமாறும் கேட்டுக் கொண்டாள். ஆனால் தான் செய்த சத்தியத்தில் உறுதியாக இருந்த பீஷ்மர், “தாங்கள் என்னிடம் கேட்பது இராஜ்ஜியத்தின் நன்மைக்காக என்ற உன்னத நோக்கத்திற்காக என்பதை நான் நன்கு அறிவேன். ஆயினும் என்னால் என் சத்தியத்தை மீற இயலாது. இயற்கை தன் குணத்தினை மாற்றி கொண்டாலும் பீஷ்மன் ஒரு போதும் சத்தியம் தவற மாட்டான்” என்று சத்தியவதியின் கோரிக்கையை நிராகரித்தார். Read More

அம்பையின் முடிவு

பீஷ்மர் விசித்திரவீர்யனுக்கு அம்பிகை, அம்பாலிகை ஆகியோரை மணமுடித்து வைத்தார். இந்நிலையில் ஹஸ்தினாபுரத்திலிருந்து சால்வனிடம் சென்றாள் அம்பை. ஆனால் அவளை பீஷ்மர் போரில் வெற்றி பெற்றுவிட்டபடியால் அவளை இனித் தன்னால் திருமணம் செய்து கொள்ள இயலாது, ஆகவே பீஷ்மரிடமே திரும்பிச் செல்லுமாறு சால்வன் மறுத்து விட்டான். பீஷ்மரிடம் திரும்பிய அம்பையிடம் பீஷ்மர், தான் திருமணம் செய்யலாகாது என்கிறபடியால் நீ சால்வனிடமே திரும்பி செல்ல வேண்டும் என்று கூறுகிறார். இவ்வாறு இருமுறை பீஷ்மரிடமும், சால்வனிடமும் அம்பை மன்றாடிய பிறகும் இருவரும் அவளை ஏற்று கொள்ளாதபடியாம் அவள் பெரும் சினமுற்றாள். Read More

சித்ராங்கதனும் விசித்திரவீர்யனும்

பின் சத்தியவதிக்கும் சந்தணுவுக்கும் சித்ராங்கதன் மற்றும் விசித்திரவீர்யன் என இரு புத்திரர்கள் பிறந்தனர். சில காலத்திலேயே சந்தணு சொர்க்கம் புறப்பட்டு விட்டார். பின்னர் சித்ராங்கதனுக்குப் பட்டாபிஷேகம் செய்வித்து வைக்கப்பட்டது. ஆனால் சித்ராங்கதன் என்ற பெயருடைய கந்தர்வன் ஒருவன் சந்தணுவின் மகனான சித்ராங்கதனைக் பகை எதுவும் இன்றி ஒரே பெயரை உடைய காரணத்திற்காக போருக்கு அழைத்தான். மூன்று வருடங்களுக்கும் மேலாக நடந்த அந்தப் போரில் கந்தர்வன் சந்தணுவின் மகனைக் கொன்று விட்டான். ஆதலினால் பீஷ்மர் விசித்திரவீர்யனுக்குப் பட்டாபிஷேகம் செய்வித்து அரசனாக்கினார். Read More

பீஷ்மர்

தன் பெயருக்கான காரணத்தை விளக்கிய சத்தியவதியின் மீது சந்தணு மஹாராஜாவிற்கு திருமணம் செய்து கொள்ளும் ஆசை வந்தது. அவர் அதனை அவளிடம் வெளிப்படுத்த, அதற்கு தன் தந்தையே முடிவு செய்தல் வேண்டும் என்றும் தான் முடிவெடுக்க இயலாது என்று சத்தியவதி கூறுகிறாள். அவளின் மொழி கேட்ட பின் சந்தணு அந்த மீனவர் தலைவரைச் சந்தித்து சத்தியவதியை மணம் முடித்துக் கொள்ள தன் ஆசையைத் தெரிவிக்கிறார். ஆனால் அதற்கு அந்த மீனவர் தலைவர் ஒத்துக் கொள்ளவில்லை. Read More

ஸ்ரீ வேத வியாசர்

இவ்வாறு இருக்க ஒரு நாள் சந்தணு மஹாராஜா யமுனைக் கரைக்குச் சென்றார். அப்போது நல்ல மணம் வீசியது. சுற்றும்முற்றும் அந்த மணம் எங்கிருந்து வருகிறது என்று தேடலானார். அப்போது அங்கு பரிசல் இயக்கிக் கொண்டிருந்த பெண்ணை மட்டும் கண்டார். அவளிடமே இருந்து அவ்வாசம் வருகிறது என்று கண்டு கொண்டார். அவளருகில் சென்று “நீ யார், எவ்வாறு உன் உடலில் இருந்து இவ்வகை வாசம் வீசுகிறது” என்று கேட்டார். அவள் மீனவ குலத் தலைவரின் மகள் என்றும், இக்கரையிலிருந்து அக்கரைக்கு பரிசல் இயக்குவதாகவும் கூறினாள். Read More

தேவவிரதன்

பிரபாசா என்ற வசு சந்தணு – கங்காதேவிக்குப் பிறந்த பின்னர் கங்கையால் அழைத்துச் செல்லப்பட்டு நன்முறையில் வளர்க்கப்பட்டான். கங்கையின் புத்திரனாதலால் காங்கேயன் என்ற பெயரிலும் தேவவிரதன் என்ற பெயரில் அறியப்பட்டான். ஒருமுறை வேட்டைக்குச் சென்றிருந்த சந்தணு மஹாராஜா மான் ஒன்றினை துரத்திக் கொண்டு சென்றார். அப்போது நதிகளில் பிரதான நதியான கங்கை வற்றியிருப்பதைக் கண்டு ஆச்சரியமுற்றார். Read More

சந்தணு மஹாராஜா

புமன்யூவிற்குப் பிறகு பல அரசர்கள் பாரதத்தை ஆண்டார்கள். அவர்கள் வழியில் வந்தவர் அரசர் பிரதீபன். ஒருமுறை அவர் ஆற்றங்கரையில் வேதம் ஓதிக் கொண்டிருந்த வேளையில், ஒரு தேவலோக மங்கை அவரின் வலது தொடையில் வந்து அமர்ந்தாள். பிரதீபன் அவரிடம், “நீ என் வலது தொடையில் அமர்ந்தமையால் எனக்கு மகள் அல்லது மருமகள் ஸ்தானத்தை அடைபவளாகிறாய். ஆகையால் உன்னை என் மகனுக்கு மணமுடிப்பேன்” என்று கூறினார். அதற்கு அவள் “உங்கள் மகன் நான் செய்யும் செயல்கள் எதையும் எதிர்த்துக் கேள்விகள் எழுப்பக் கூடாது, இந்த நிபந்தகைக்குக் கட்டுப்பட்டால் அவனை மணக்கச் சம்மதிக்கிறேன்” என்றாள். Read More

பரத வம்சம்

துஷ்யந்தன் கண்வரின் ஆசிரமத்தில் இருந்து கிளம்பிய பிறகு கண்வர் ஆசிரமம் திரும்பினார். அங்கு நடந்தவற்றை சகுந்தலையின் மூலமாகக் கேட்டுத் தெரிந்த கொண்டவர் துஷ்யந்தன் நன்நடத்தை கொண்ட மன்னன் என்பதால் சகுந்தலைக்கு ஆறுதல் கூறினார். துஷ்யந்தன் நிச்சயமாக வந்து அழைத்துச் செல்வான் என்று நம்பிக்கை தெரிவித்தார். மாதங்கள் சென்றன. சகுந்தலை ஒரு ஆண் குழந்தையைப் பெற்றெடுத்தால். அவனுக்கு பரதம் எனப் பெயர் சூட்டப் பட்டது. மாதங்கள் பல கடந்தும் துஷ்யந்தன் சகுந்தலையை அழைத்துச் செல்ல வரவில்லை. தன்னை துஷ்யந்தனே வந்து அழைத்துச் செல்ல வேண்டும் என்று எண்ணம் கொண்டிருந்த சகுந்தலையிடம், தேவர்கள், பெரியோர், அரசர், கணவர் ஆகியோரிடத்து நாமே செல்வது தகும், அவர்கள் வந்து அழைக்க வேண்டும் என்று நினைப்பது கூடாது என்று கண்வர் கூறினார். Read More

சகுந்தலா துஷ்யந்தன்

துஷ்யந்த மஹாராஜா ஒரு முறை காட்டிற்குச் சென்றிருந்தான். அவன் சென்ற வழியில் மகரிஷி கண்வரின் ஆசிரமம் இருந்தது. கண்வரைத் தனியாகச் சந்திக்க விரும்பிய துஷ்யந்தன் தன்னோடு கூட வந்தவர்களை வெளியே காத்திருக்குமாறு பணித்து விட்டு ஆசிரமத்தின் உள்ளே சென்றான். ஆனால் அப்போது அங்கு கண்வ மகரிஷி இல்லாமையால் அங்கிருந்த ஒரு பெண்ணால் வரவேற்கப்பட்டான். அவள் சகுந்தலை. Read More

சர்ப்ப யாகம்

பரிக்ஷ்த்து மஹாராஜாவின் முடிவைப் பற்றி தனது மந்திரிகளிடம் கேட்டு அறிந்து கொண்ட ஜனமேஜயன், உத்தங்கர் கூறியபடி சர்ப்ப யாகம் நடத்தத் தீர்மானித்து யாக சாலைகளை நிர்மாணிக்கக் கட்டளை இட்டான். யாக சாலைகள் கட்டி முடிக்கப்பட்டவுடன் ஓர் புகழ் பெற்ற ஸ்தபதி யாக சாலைகளை நன்கு பார்த்து விட்டு, ஒரு பிராமணரின் குறுக்கீட்டால் இந்த யாகம் பாதிலேயே நின்று போகும் என்று கணித்துக் கூறினார். Read More